Lerikin yeddi kəndində qaz təchizatı bərpa olunub - YENİLƏNİB + VİDEO
Lerikin yeddi kəndində qaz təchizatı bərpa olunub - YENİLƏNİB + VİDEO
“Lerik rayonu və yeddi kəndində selin fəsadları aradan qaldırılıb və qaz təchizatı bərpa olunub”.
Bunu Oxu.Az-a açıqlamasında “Azəriqaz” İstehsalat Birliyinin İctimaiyyətlə əlaqələr şöbəsinin rəisi Ceyhun Səfərov bildirib.
O qeyd edib ki, yalnız rayonun Məhləbad kəndində səkkiz evə hələki qazın verilməsini bərpa etmək mümkün olmayıb.
“Bu istiqamətdə işlər davam etdirilir”, - deyə o bildirib.
11:53
Lerik rayonuna yağan leysan yağışlarından sonra bəzi kəndlər qazsız qalıb.
Məsələ barədə “Azəriqaz” İstehsalat Birliyi ilə əlaqə saxladıq.
Birliyinin İctimaiyyətlə əlaqələr şöbəsinin rəisi Ceyhun Səfərov Oxu.Az-a açıqlamasında bildirib ki, yağan leysandan sonra Lerikdə qaz xətlərində qırılma olub:
“Lerik rayonu Osmanlı, Kəlvəz, Kələxan, Göydərə, Məhləbad, Hiyveri, Hüseynabad və Amburdərə kəndlərinə güclü selin gəlməsi nəticəsində qaz xətlərinin qırılması ilə əlaqədar ötən gün saat 18:40-da qaz təchizatı müvəqqəti dayandırılıb. Bununla əlaqədar 352 istehlakçının qaz təminatında fasilə yaranıb”.
“Ərazidə bu gün təmir işləri aparılacaq”, - deyə o qeyd edib.
İlhamə Əbülfət