FHN-in generalı Türkiyənin Dənizli bölgəsindəki yanğınlardan danışıb - VİDEO

“Avqustun 3-də Türkiyənin Dənizli bölgəsində meşə yanğını baş verdi və bu çox geniş miqyası əhatə edirdi”.

"Report"un məlumatına görə, bunu Azərbaycanın fövqəladə hallar nazirinin müavini general-leytenant Etibar Mirzəyev jurnalistlərə açıqlamasında deyib.

“Azərbaycandan gələn Fövqəladə Hallar Nazirliyinin ikinci qrupu Dənizlidə saxlanıldı və mənə məruzə olundu. Belə qərara gəldik ki, yeni gələn qrupu iki yerə bölək. Yanğınsöndürənlərin bir qrupu burada qalıb, meşələrin söndürülməsi ilə məşğul olacaq. İkinci qrup isə Muğla istiqamətinə hərəkət edəcək”, - deyə E.Mirzəyev bildirib.