13 
Sen
2021
12:52
64
13
2685
Virtual karabakh

Peşə məktəblərində çalışmaq istəyənlərin NƏZƏRİNƏ

13 Sen, 2021
12:52
2685

Peşə məktəblərində çalışmaq istəyənlərin NƏZƏRİNƏ

Bizim WhatsApp kanalımıza buradan abunə ola bilərsiniz

2021-2022-ci il tədris ili üçün ilk dəfə olaraq Təhsil Nazirliyi sisteminə daxil olan peşə təhsil müəssisələrinə ixtisas fənn müəllimlərinin və istehsalat təlimi ustalarının mərkəzləşmiş imtahanla işə qəbulu aparılacaq.

Nazirlikdən verilən məlumata görə, peşə təhsili müəssisələrində ixtisas fənn müəllimi və istehsalat təlimi ustası kimi çalışmaq istəyən şəxslər 13-17 sentyabr tarixləri arasında elektron müraciət portalı vasitəsi ilə qeydiyyatdan keçməlidirlər.

Müsabiqə çərçivəsində ümumilikdə respublika üzrə 65 ixtisas fənn müəllimi və 131 istehsalat təlimi ustası vakansiyası elan olunub.

Müəllimlərin və istehsalat təlimi ustalarının işə qəbulu müsabiqəsi elektron ərizə qeydiyyatı və vakant yerlərin seçilməsi, ərizədəki göstəricilərin qiymətləndirilməsi, test imtahanı mərhələlərindən ibarətdir.

Ərizələri təsdiq edilən namizədlər üçün sentyabr ayının ikinci yarısında imtahan keçiriləcək. İmtahanda ixtisas, tədris metodikası və məntiqə aid suallar təqdim ediləcək. Namizədlərin vakant yerlərə yerləşdirilməsi elektron ərizələrində qeyd etdikləri seçim ardıcıllığı gözlənilməklə aparılacaq.

Peşə təhsili müəssisələrinə müəllimlərin və istehsalat təlimi ustalarının işə qəbulu aşağıdakı müəyyənləşdirilən qaydada həyata keçirilir:

İxtisas fənn müəllimləri - orta ixtisas və ali təhsil müəssisələrini müvafiq ixtisaslar üzrə bitirən və dövlət nümunəli diplom alan, xarici ölkədə aldığı ali təhsil haqqında sənədi tanınan Azərbaycan Respublikasının vətəndaşları və ya Azərbaycan Respublikasında daimi yaşamaq üçün icazə verilən şəxslər;

İstehsalat təlimi ustaları - orta ixtisas və ali təhsil müəssisələrini müvafiq ixtisaslar üzrə bitirən və dövlət nümunəli diplom alan, xarici ölkədə aldığı ali təhsil haqqında sənədi tanınan, həmçinin ümumi orta təhsilli və müvafiq sahə üzrə üç ildən az olmayan əmək stajına malik Azərbaycan Respublikasının vətəndaşları və ya Azərbaycan Respublikasında daimi yaşamaq üçün icazə verilən şəxslər.

Bizimlə əlaqə saxlayın

Digər Cəmiyyət xəbərləri