13 
Sen
2021
16:50
54
34
1405
Virtual karabakh

Biznesmenlərin NƏZƏRİNƏ: Layihələrlə bağlı müraciət proseduru asanlaşdırıldı

13 Sen, 2021
16:50
1405

Biznesmenlərin NƏZƏRİNƏ: Layihələrlə bağlı müraciət proseduru asanlaşdırıldı

Bizim WhatsApp kanalımıza buradan abunə ola bilərsiniz

Azərbaycan İnvestisiya Şirkəti (AİŞ) sahibkarlar üçün layihələrlə bağlı müraciət prosedurunu daha da asanlaşdırıb.

İqtisadiyyat Nazirliyindən Oxu.Az-a verilən məlumata əsasən, AİŞ-in rəsmi internet səhifəsində sahibkar tərəfindən layihə müraciəti forması üçün əlavə bölüm istifadəyə verilib.

Sahibkar yeni bölməyə daxil olaraq layihəyə dair əsas sualları cavablandıra, eləcə də biznes planı elektron müraciət forması vasitəsi ilə sürətli şəkildə yükləyə bilər. Bu məlumatlar AİŞ tərəfindən dəyərləndirilir və növbəti mərhələdə sahibkarla əlaqə saxlanılır.

Fəaliyyətində innovativ üsulların tətbiqini, yerli və xarici investorlar, habelə sahibkarlarla əlaqələrin davamlı inkişafını prioritetlərdən hesab edən AİŞ gələcəkdə də bu sahədə təkmilləşdirmə işlərini davam etdirməyi hədəfləyir.

Qeyd edilib ki, “Azərbaycan İnvestisiya Şirkəti” Açıq Səhmdar Cəmiyyəti “İnvestisiya Fəaliyyətinin Təşviqi üzrə Əlavə Tədbirlər haqqında” 2006-cı il 30 mart tarixli sərəncam ilə yaradılıb. 2020-ci ilin ortalarından etibarən AİŞ-in yeni investisiya siyasəti və şirkətin yeni inkişaf strategiyası hazırlanıb, daxili strukturu təkmillləşdirilib. İnvestisiya portfelinin sağlamlaşdırılması və optimallaşdırılması, həmçinin investisiya qaydalarının və prosedurlarının təkmilləşdirilməsi istiqamətində işlər davam etdirilir.

Bizimlə əlaqə saxlayın

Digər İqtisadiyyat xəbərləri