16 
Sen
2021
17:56
211
50
2700
Virtual karabakh

Gecə saatlarında fəaliyyət göstərən kafe sahibi və müştəriləri CƏRİMƏLƏNDİ - FOTO/VİDEO

Abşeron rayonunda karantin qaydalarını pozan kafe aşkarlanıb.

Abşeron rayonunda karantin qaydalarını pozaraq müştərilərə gecə saat 00:00-dan sonra xidmət göstərən kafe aşkar edilib.

Bu barədə Daxili İşlər Nazirliyi (DİN) məlumat yayıb.

Bildirilib ki, Abşeron Rayon Polis İdarəsinin əməkdaşları tərəfindən Xırdalan şəhərində yerləşən “Read Houses” adlı kafenin saat 01:30 radələrində müştərilərə xidmət göstərdiyi müəyyən edilib.

Obyektin fəaliyyəti dərhal polislər tərəfindən dayandırılıb, kafenin sahibi Əliağa Məmmədov və 11 müştəri saxlanılaraq Polis İdarəsinə dəvət ediliblər. Müştərilər və kafenin sahibi barəsində inzibati qaydada tədbir görülüb və onların hər biri cərimə edilib.

Həmin şəxslərlə profilaktik söhbətlər aparılıb və karantin qaydalarına əməl olunmasının vacibliyi bir daha onların diqqətinə çatdırılıb.

Bizimlə əlaqə saxlayın

Digər Cəmiyyət xəbərləri