17 
Sen
2021
10:40
243
79
8965
Virtual karabakh

Səyyad Əlizadə ECMO cihazına qoşuldu - YENİLƏNİB

Koronavirusa yoluxan sənətçi Səyyad Əlizadə ECMO cihazına qoşulub. 

Bu barədə Oxu.Az-a onun qohumu Razim Qasımov məlumat verib.

O bildirib ki, sənətçinin ağciyərlərinin yalnız 30 faizi çalışır:

“Ciyərlərin 70 %-də buzlu şüşə aşkarlanıb. Müalicəsi davam etdirilir. Süni koma vəziyyətində saxlanılır”.

09:38

Ötən gün Mərkəzi Gömrük Hospitalına köçürülən Səyyad Əlizadənin vəziyyəti stabil ağır olaraq qalır. 

Bu barədə Oxu.Az-a onun qohumu Razim Qasımov məlumat verib.

O bildirib ki, həkimlər sənətçinin vəziyyətinin ağır stabil olduğunu deyirlər:

“Hələ ki, irəliləyiş yoxdur. Həkimlər onun vəziyyətini ciddi nəzarətdə saxlayır. S. Əlizadənin həyat yoldaşı Kəmalə xanım isə Zığda yerləşən modul tipli xəstəxanadadır. Onun vəziyyəti yaxşıdır”.

Qeyd edək ki, müğənni Səyyad Əlizadə və həyat yoldaşı Kəmalə Əlizadə bir müddət öncə koronavirusa yoluxublar.

Könül Cəfərli

Bizimlə əlaqə saxlayın

Digər Cəmiyyət xəbərləri