22 
Sen
2021
16:42
14
295
1796
Virtual karabakh

Sumqayıtda naməlum şəxs qarət edə bilmədiyi mağazanı yandırdı - FOTO

Sumqayıtda naməlum şəxs qarət edə bilmədiyi mağazanı yandırıb.

Məlumata görə, hadisə şəhərin 4-cü məhəlləsində binalardan birində qeydə alınıb.

Oğurluq etmək istəyən şəxs sentyabrın 6-da gecə saatlarında ərazidə olan ticarət obyektlərini qarət etmək istəyib. Həmin şəxs ərazidə olan “Dönər evi”nin qapısını sındıraraq içəri girib, orada olan ərzaq məhsullarını, suları və 500 manata yaxın pulu götürüb.

Sonra isə oğru digər obyektə - kiçik ərzaq mağazasına girməyə cəhd edib. Qapını aça bilmədiyindən obyektin plastik material olan hissəsini yandırıb içəri girməyə çalışıb. Lakin o, istəyinə nail ola bilməyərək aradan çıxıb.

Mağazanın icarədarı Rəsmiyyə Abbasova bildirib ki, həmin şəxs öz niyyətini sentyabrın 17-də gecə saatlarında yenidən həyata keçirmək istəyib. Oğurluq etmək istəyən şəxs ərazidə olan digər obyektlərdə quraşdırılan müşahidə kamerasına düşüb.

R.Abbasovanın sözlərinə görə, ona 10 min manata yaxın ziyan dəyib. Hadisə ilə bağlı hüquq-mühafizə orqanlarına müraciət olunub.

Faktla bağlı Sumqayıt Şəhər Polis İdarəsində araşdırmalar aparılır və hadisənin səbəbkarlarının tapılması istiqamətində müvafiq addımlar atılır.

Mənbə: APA

Bizimlə əlaqə saxlayın

Digər Cəmiyyət xəbərləri