24 
Sen
2021
15:46
91
55
5036
Virtual karabakh

Müdafiə Nazirliyi tərxis olunan şəxsin narazılıqlarına CAVAB VERDİ

24 Sen, 2021
15:46
5036

Müdafiə Nazirliyi tərxis olunan şəxsin narazılıqlarına CAVAB VERDİ

Bizim WhatsApp kanalımıza buradan abunə ola bilərsiniz

Bəzi elektron KİV-lərdə vətəndaş Ağayev Rahib Savadxan oğlunun narazılığını əks etdirən görüntülər paylaşılıb.

Müdafiə Nazirliyindən verilən məlumata görə, vətəndaş R.Ağayev Baş Klinik Hospitalda müalicə olunmaq üçün Müdafiə Nazirliyinə müraciət edib.

Vətəndaşın müraciətinə Müdafiə Nazirliyinin Tibb İdarəsində baxılıb və ona cari ilin fevral ayında müvafiq rəsmi cavab göndərilib.

Cavabda Müdafiə Nazirliyinin hərbi müalicə müəssisələrində hazırda həqiqi hərbi xidmət keçən hərbi qulluqçuların müayinə və müalicəsinin təmin edildiyi bildirilib. Hərbi xidmətdən tərxis olunan vətəndaşların isə Səhiyyə Nazirliyi və Tibbi Ərazi Bölmələrini İdarəetmə Birliyinin (TƏBİB) müalicə müəssisələrində ödənişsiz müalicə almaq hüququna malik olduğu qeyd edilib və vətəndaşın həmin qurumlara müraciət etməsi tövsiyə olunub.

R.Ağayevin hərbi xidmətə yararlı olması ilə bağlı qərarla bağlı isə bildirilib ki, o, Səfərbərlik və Hərbi Xidmətə Çağırış üzrə Dövlət Xidmətinin Yardımlı rayon şöbəsinin göndərişinə əsasən 23.04.2021-ci il tarixdə Müdafiə Nazirliyinin Mərkəzi Hərbi Poliklinikasının hərbi həkim komissiyası tərəfindən “Hər iki gözün sadə miopik astiqmatizmi nəticəsində görmə itiliyinin azalması. İrsi hemoqlobinopatiya” diaqnozu ilə şəhadətləndirilib.  Azərbaycan Respublikası Nazirlər Kabinetinin müvafiq qərarı ilə təsdiq edilən “Hərbi-həkim ekspertizası haqqında Əsasnamə”sinə uyğun olaraq, barəsində daxili orqanlarında funksiya pozulması olmadığından “Hərbi xidmətə yararlıdır” qərarı verilib.

Bizimlə əlaqə saxlayın

Digər Cəmiyyət xəbərləri