ABŞ səfirliyi işçi axtarır

ABŞ səfirliyi mexanika mühəndisi vəzifəsi üçün vakansiya elan edir.

Bununla bağlı səfirlikdən Oxu.Az-a məlumat verilib.

“Bu sahədə mühəndislik təcrübənizlə kommersiya/yaşayış binalarının və əlaqəli sistem avadanlıqlarının böyük aspektlərini idarə etməyə kömək edəcəksiniz.

Buraya mühəndislik təsvirləri və dizaynları, təhlükəsizlik funksiyaları və tətbiq olunan bina kodları, tikinti və təmir proqramlarının idarə edilməsi və işçi heyətinə rəhbərlik etmək daxildir”, - məlumatda qeyd edilib.

Qeyd edilib ki, səfirliyin mühəndisləri dünyanın hər yerindən ABŞ səfirlikləri və konsulluqlarından olan mühəndislərlə geniş əlaqələr və tanışlıqlar qurur.