Binəli Yıldırım “YAŞAT” Fonduna ianə etdi

Türkiyənin sabiq Baş naziri Binəli Yıldırım “YAŞAT” Fonduna 1000 AZN məbləğində ianə edib.

Oxu.Az xəbər verir ki, B.Yıldırım bu gün nümayəndə heyəti ilə “Zəfər yarmarkası”nı ziyarət edib.

“Zəfər yarmarkasında” nümayiş edilən hərbi texnika və sahibkarların burada yerləşdirilən satış mərkəzləri ilə tanış olan B.Yıldırıma yarmarkanın əhəmiyyəti və məqsədi barədə ətraflı məlumat verilib.

Xatırladaq ki, oktyabrın 29-da başlayan yarmarka noyabrın 9-dək davam edəcək. Yarmarkadan əldə edilən gəlirlər “YAŞAT” Fonduna ianə olunacaq.

Könül Cəfərli