Noy
2021
11:36
283
9
1689
Virtual karabakh

Balaca Yusifə dəstək olaq: “Risk çox yüksəkdir”

5 Noy, 2021
11:36
1689

Balaca Yusifə dəstək olaq: “Risk çox yüksəkdir”

Bakı sakini Sətulla Əliyev nadir qan xəstəliyindən əziyyət çəkən oğluna kömək etmək üçün Media.Az-ın redaksiyasına müraciət edib. Onun sözlərinə görə, uşağın vəziyyəti o qədər ağırdır ki, demək olar ki, günləri sayırlar...

Yeddi yaşlı Yusif Əlizadə aplastik anemiyadan əziyyət çəkir. Bu, sümük iliyinin kifayət qədər qan hüceyrəsi istehsal etmədiyi bir vəziyyətdir. Aplastik anemiyada bütün növ hüceyrələrin çatışmazlığı ortaya çıxır: eritrositlərin, leykositlərin və trombositlərin.

Şiddətli aplastik anemiyası olan insanlar üçün yeganə uğurlu müalicə üsulu sümük iliyini bərpa etmək üçün kök hüceyrə transplantasiyasıdır.

Uşağın vəziyyətinin sürətlə pisləşməsi ilə əlaqədar olaraq, onu müalicə edən həkim-hematoloq da sümük iliyinin dərhal transplantasiyasını israr edir. Xəstəxanadan məyusedici proqnozlar eşidən valideynlər heç nə edə bilmirlər. Türkiyədə sümük iliyi transplantasiyasının məbləği 80 min dollardır ki, bu da ailə üçün əlçatmazdır. Onların gündəlik dərman almağa belə pulları yoxdur.

“Yusif hazırda Milli Hematologiya və Transfuziologiya Mərkəzində müalicə alır. Bundan əvvəl o, iki ay K.Fərəcova adına Elmi-Tədqiqat Pediatriya İnstitutunda infeksiyadan müalicə alıb (keçmiş OMD xəstəxanası). Aplastik anemiya fonunda immunitetin azalması səbəbindən o, istənilən infeksiyaya qarşı müdafiəsizdir. Bundan əlavə, hər an qanaxma başlaya bilər, risk çox yüksəkdir. Bu vəziyyətdə həkimlər artıq gücsüz olacaqlar, çünki belə bir ağırlaşmada plazma infuziyaları təsirsiz olacaq. Bu barədə mənə açıq dedilər... Bir valideyn olaraq bunu eşitmək mənə çox ağırdır.

Həkimlər çiyinlərini çəkirlər, yalnız bir çıxış yolu var - təcili sümük iliyi transplantasiyası. Müalicə olunan həkimimiz təkid edir ki, biz uşağı xilas etmək üçün çox gec olmadan, bu günlərdə Türkiyəyə aparaq. Ankaradakı klinika ilə razılaşdıq, oğlumuzu qəbul etməyə hazırdılar. Amma bilet almağa belə pulumuz yoxdur.

Əlimizdə olan hər şeyi satdıq. İndi bizim Binə qəsəbəsində ancaq divarları çılpaq evimiz qalıb - nə mebel, nə qab-qacaq var. Mən onu da satmaq istəyirəm, küçədə yatmağa da razıyam, təki oğlumu xilas edə bilim. Mən həmişə cəmiyyətin xeyrinə işləmişəm, “BakuBus” avtobusunun sürücüsü olmuşam. Fevral ayında oğlumla yaxından məşğul ola bilmək üçün işimdən imtina etdim. İndi ailəmizdə heç kim işləmir.

Hər yerə kömək üçün müraciət etdim - istər dövlət strukturlarına, istərsə də ictimai təşkilatlara, hər yerdə cavab eynidir: “Gözləyin!”. Mən gözləyərəm, amma Yusifin vaxtı yoxdur. O, elə ağır vəziyyətdədir ki, hər an bir daha düzəlməyən hadisələr baş verə bilər. 80 min dollar böyük məbləğdir. Heç olmasa oğlumuzu Ankaraya apara bilsək, bu, artıq ilk addım olacaq. Xahiş edirəm bizi bu vəziyyətdə tək qoymayın. Oğlumun başına bir iş gəlsə, özümü bağışlamayacağam, halbuki ona kömək etmək olardı. Sonra bununla necə yaşamaq olar?!”, - deyə xəstə uşağın atası bildirib.

Media.Az-ın redaksiya heyəti hər kəsi Əliyevlər ailəsinin probleminə biganə qalmamağa, balaca Yusifə bacardıqları qədər kömək etməyə çağırır.

Sətulla Əliyevlə +994 50 313 48 18 nömrəli telefonla əlaqə saxlaya bilərsiniz.

Bizimlə əlaqə saxlayın

Digər Cəmiyyət xəbərləri