29 
Noy
2021
15:08
219
44
1495
Virtual karabakh

Komitə sədri ABŞ-da Azərbaycan əsilli yəhudi yazıçı ilə görüşüb

29 Noy, 2021
15:08
1495

Komitə sədri ABŞ-da Azərbaycan əsilli yəhudi yazıçı ilə görüşüb

Bizim WhatsApp kanalımıza buradan abunə ola bilərsiniz

Diasporla İş üzrə Dövlət Komitəsinin sədri Fuad Muradov 8 Noyabr - Zəfər Günü münasibətilə ABŞ-ın Florida ştatında Azərbaycan icmasının nümayəndələri ilə keçirilən tədbirdə 30 ildən artıqdır ABŞ-da yaşayan həmyerlimiz Nobert Yevdayevlə də görüşüb.

Komitədən verilən məlumata görə, Fuad Muradov bir sıra elmi işlərin müəllifi olan şair, yazıçı, rəssam, jurnalist, ABŞ-dakı Dağ Yəhudiləri icmasının aylıq “Novıy rubej” jurnalının təsisçisi Nobert Yevdayevə dünya azərbaycanlılarının həmrəyliyi sahəsindəki fəaliyyətinə və Azərbaycan mədəniyyətinin təbliğində göstərdiyi xidmətlərinə görə təşəkkürünü bildirib, ona “Azərbaycan xalçaları - Qarabağ qrupu” kitabını və milli xalça suveniri hədiyyə edib.

Öz növbəsində Nobert Yevdayev göstərdiyi diqqətə görə təşəkkür edib və Azərbaycanı təmsil etməkdən böyük qürur hissi keçirdiyini deyib. Həmyerlimiz Komitə sədrinə kitab hədiyyə edib və müəllifi olduğu şeirdən bir parça söyləyib.  

Qeyd edək ki, əslən Bakı yəhudisi olan Nobert Yevdayev 1989-cu ildən ABŞ-da yaşayır. O, Azərbaycan mədəniyyətinin Amerikada təbliğ olunması istiqamətində bir sıra tədbirlər təşkil edib. Prezident İlham Əliyevin 13 mart 2006-cı il tarixli Sərəncamı ilə “Tərəqqi” medalı ilə təltif  olunub.

Bizimlə əlaqə saxlayın

Digər Cəmiyyət xəbərləri