Fuad Muradov: “Marafonun üç ayı ərzində 3 milyon manatdan çox vəsait toplandı”
Fuad Muradov: “Marafonun üç ayı ərzində 3 milyon manatdan çox vəsait toplandı”
“Vətən müharibəsi dövründə xaricdə fəaliyyət göstərən diaspor təşkilatları yardım üçün daim müraciət edirdilər. Bu səbəbdən “YAŞAT” Marafonu təşkil edildi”.
Oxu.Az-ın məlumatına görə, bu barədə Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondu – “YAŞAT” Fondunun yaradılmasının bir illik fəaliyyəti ilə bağlı keçirilən mətbuat konfransında Diasporla İş üzrə Dövlət Komitəsinin sədri Fuad Muradov bildirib.
O qeyd edib ki, marafon çərçivəsində 63 ölkədən soydaşlarımız maddi yardıma qoşulub:
“Tək bir gün üçün 1 milyon manatdan artıq vəsait toplandı. Marafonun üç ayı ərzində isə 3 milyon manatdan çox vəsait toplandı. ABŞ-dan isə 200 min dollar ianə toplanıldı”.
O qeyd edib ki, Rusiyadan 30 min dollar dəyərində 2 ədəd “Dermaton” cərrahi aparatı, 92 ədəd “İlizarov” aparatı və 566 əlil arabası göndərilmişdi.
İlhamə Əbülfət