Yaqut Qarayeva: “Yoluxma faizlərində ciddi şəkildə azalma müşahidə edilir”

“Yoluxma ilə bağlı iki illik dövrə baxsaq, ən yüksək nisbət 2020-ci ilin noyabr-dekabr aylarında müşahidə edilib”. 

Oxu.Az xəbər verir ki, bu barədə TƏBİB-in Xəstəliklərin kontrolu və profilaktikası departamentinin müdiri Yaqut Qarayeva deyib. 

O bildirib ki, həmin dövrdə müsbət testlərin sayı 30 faizdən çox olub:

“Bu gün yoluxma faizlərində ciddi şəkildə azalma müşahidə edilir. Testlərdə müsbət nəticələr 4-5 faizə qədər azalıb. Bu da öz növbəsində çox müsbət haldır. Eyni zamanda cari ilin son ayının ilk və son həftəsi arasında yoluxma sayında 59 faiz, ölüm hadisələri arasında isə 39 faiz azalma qeydə alınıb”.

Könül Cəfərli