Bakının mərkəzində partlayış: Yaralananlar var - YENİLƏNİB + FOTO/VİDEO

“Azəriqaz” İstehsalat Birliyi Səbail rayonunda, “Alov qüllələri” hotelinin qarşısında baş verən partlayışla bağlı açıqlama verib. 

Qurumun İctimaiyyətlə əlaqələr şöbəsinin rəisi Eldəniz Vəliyev Oxu.Az-a bildirib ki, “Alov qüllələri”nin yaxınlığında məşələ nəzarət edən hotel əməkdaşları tərəfindən iş aparılıb:

“Ehtiyatsızlıq səbəbindən sızma baş verib, nəticədə də bu sızma partlayışa gətirib çıxarıb. İki nəfər işçinin xəsarət alıb”.

O qeyd edib ki, sayğacdan sonrakı qaz xəttində “Azəriqaz” İstehsalat Birliyinin heç bir nəzarət funksiyası yoxdur:

“Məşələ qədər olan hissədə heç bir problem baş verməyib, hər şey saz vəziyyətdə olub, yalnız məşələ daxil olar hissədə baş verən sızma nəticəsində sözügedən hadisə baş verib”.

İlhamə Əbülfət

11:20

Bakıda qaz sızmasından partlayış olub.

APA-nın məlumatına görə, hadisə Səbail rayonunda, “Alov qüllələri” hotelinin qarşısında qeydə alınıb.

Orada yerləşən sütunun içindən keçən qaz xəttində partlayış olub, nəticədə 2 nəfər xəsarət alıb.

Xəsarət alanlar təcili yardım briqadası tərəfindən xəstəxanaya aparılıb. Hadisə zamanı bir neçə avtomobilə də ciddi ziyan dəyib.

Hadisə yerinə hüquq-mühafizə orqanlarının əməkdaşları cəlb olunub.

FOTO: Kərim Abbasov