Keçən il elektron xidmətlər vasitəsilə nə qədər arayış verilib? - FOTO

Əmək və Əhalinin Sosial Müdafiəsi Nazirliyinin fəaliyyət sahələri üzrə son 3 ildə 30-dək elektron arayış xidməti istifadəyə verilib.

Nazirlikdən verilən məlumata görə, bununla da vətəndaşlara sosial təminat növləri, sosial sığorta, əmək, məşğulluq, əlillik, mənzil və avtomobillə təmin edilmə, fərdi şəxsi hesab və s. barədə arayışları elektron qaydada əldə etmək imkanları yaradılıb.

Ötən il həmin e-xidmətlər vasitəsilə 568 min e-arayış verilib.

Ən çox müraciət “İş yerinə dair arayış” (266 milyon 908 min müraciət) və “Əlilliyə dair arayış” (220 milyon 117 min müraciət) e-xidmətlərinə olub. Həmçinin məşğulluğa, pensiya, müavinət və təqaüdlə təmin edilməyə dair e-arayış xidmətləri də ən çox müraciət olunan e-xidmətlər sırasındadır.