23 
Yan
2022
15:54
590
309
13864
Virtual karabakh

Müşviq Abbasov: “İstəyimizə nail olduq - komanda yenidən “Şuşa” adlanacaq!”

23 Yan, 2022
15:54
13864

Müşviq Abbasov: “İstəyimizə nail olduq - komanda yenidən “Şuşa” adlanacaq!”

Aleksandr Maslyakov - kiçiklə danışıqlarda şərt qoyduq ki, ya komandanın adını qaytarırıq, ya da yarışı tərk edirik.

Nəticədə məqsədimizə nail olduq və bundan sonra “Şuşa” komandası olaraq Sankt-Peterburq ŞHK Liqasında çıxış edəcəyik.

Bunu Oxu.Az-a açıqlamasında komandanın prodüseri Müşviq Abbasov deyib.

Xatırladaq ki, bundan əvvəl Soçidə hər il keçirilən festivala yollanan və birinci mərhələdən uğurla keçən “Şuşa” ŞHK komandası ikinci mərhələdə adını dəyişmək məcburiyyətində qalıb.

Bu xəbər azərbaycanlı sosial şəbəkə istifadəçilərinin hiddətinə, ermənilərin isə sevincinə səbəb olub. Vətəndaşlarımız qeyd ediblər ki, komandanın adını dəyişməkdənsə, ŞHK-dən ayrılmaq daha yaxşıdır.

Komandanın prodüseri Müşviq Abbasov məlumat verib ki, birinci turdan sonra baş tutan iclasda redaktorlardan bir nöbəti mərhələdə iştirak edəcək komandaların siyahısını açıqlayıb. O, bildirib ki, “Şuşa” komandası ancaq adını dəyişdiyi təqdirdə ikinci turda iştirak edə bilər. Bu tələbi milliyyətcə erməni, Aleksandr Maslyakovun müavini Ruben Caqinyan irəli sürüb.

Müşviq Abbasovun sözlərinə görə, ikinci mərhələyə adlamaq və Aleksandr Maslyakov - kiçiklə görüşmək imkanı əldə etmək üçün onların komandası adını dəyişmək məcburiyyətində qalıb.

Bizimlə əlaqə saxlayın

Digər Cəmiyyət xəbərləri