Bakı-Şamaxı yolunda ağaclar kəsildi: Araşdırma aparılır - FOTO
Bakı-Şamaxı yolunda ağaclar kəsildi: Araşdırma aparılır - FOTO
Bakı-Şamaxı yolunda ağaclar kəsilib.
Bu barədə fotolar sosial şəbəkələrdə yayılıb.
Bildirilib ki, şam ağacları heç kimə məlum olmayan səbəbdən kəsilir.
Bakı-Şamaxı yolunun 22-ci kilometrliyində ağacların kəsilməsi ilə bağlı Dövlət Ekoloji Təhlükəsizlik Xidmətinə daxil olan şikayət Xidmətin yerli qurumunun əməkdaşları tərəfindən araşdırılıb və fakt təsdiqini tapıb.
Regional Ekologiya İdarəsinin rəisi Fərid Piriyev Oxu.Az-a bildirib ki, sözügedən əraziyə keçirilən baxış zamanı üç şam ağacının kəsildiyi və təbiətə 600 manat məbləğində ziyan dəydiyi müəyyən edilib:
“Ağacların kim tərəfindən kəsildiyini müəyyən etmək üçün hazırda Abşeron Rayon Polis İdarəsi ilə birgə araşdırma aparılır”.
F.Piriyevin sözlərinə görə, kəsilmiş ağacların yerinə yeni ağaclar əkilib.
İlhamə Əbülfət