Qarabağda yeni astronomik stansiya qurulacaq - RƏSMİ

“Bizim təkliflərimiz əsasında yaxın gələcəkdə Qarabağ zonasında yeni astronomik stansiyanın qurulması, orada müasir robot teleskopların yerləşdirilməsi, onların rəsədxanadan idarə olunması, rəsədxana ərazisində yerin kosmosdan peyk müşahidələri vasitəsilə öyrənilməsi üçün mərkəzi kosmik poliqonun yaradılması kimi məsələlər AMEA rəhbərliyi tərəfindən dəstəklənib”.

Oxu.Az-ın məlumatına görə, bunu AMEA N.Tusi adına Şamaxı Astrofizika Rəsədxanasının (ŞAR) İcraçı direktoru, professor Nəriman İsmayılov müasir vəziyyəti və problemləri haqqında danışan zaman bildirib. 

Onun sözlərinə görə, bu işlərin həyata keçirilməsi Şamaxı Astrofizika Rəsədxanasının uzaq və yaxın kosmosun tədqiqi üzrə beynəlxalq elmi mərkəzə çevrilməsində çox vacib addım olacaq.