13 
Mar
2022
14:42
66
368
7509
Virtual karabakh

Şəmkirdə itkin düşən ana və 3 azyaşlı övladı tapılıb - YENİLƏNİB

13 Mar, 2022
14:42
7509

Şəmkirdə itkin düşən ana və 3 azyaşlı övladı tapılıb - YENİLƏNİB

Şəmkirdə naməlum şəraitdə itkin düşən ana və 3 azyaşlı övladı tapılıb.

APA-nın yerli bürosuna bu barədə qadının qonşusu Sabir Qarayev məlumat verib.

Onun sözlərinə görə 27 yaşlı Səriyyə Məmmədovanı polis Bakıda tapıb. Məlumata görə, hazırda ana və azyaşlı övladlarının səhhətində heç bir problem yoxdur.

13:51

Şəmkir rayonunda ana və azyaşlı övladları axtarılır.

APA xəbər verir ki, rayonun 20 Yanvar küçəsində yaşayan 27 yaşlı Səriyyə Məmmədova onun 7, 6 yaşlı oğlu və 4 yaşında qızı martın 9-u səhər saatlarında yaşadığı evdən çıxaraq bir daha geri qayıtmayıb.

Bu barədə APA-nın yerli bürosuna Səriyyə Məmmədovanın qonşusu Sabir Qarayev məlumat verib.

Onun sözlərinə görə, martın 9-da qonşu kimi onlara baş çəkməyə gedib:

“Evin qapısının açıq olduğunu gördüm. Evə daxil olanda gördüm ki, qaz, işıq yanlı vəziyyətdədir. Bizdə narahatıq ki, bəlkə başlarına iş gəlib. 4 gündür bir xəbər yoxdur. Bilmirik haradadırlar? Bəlkə başlarına iş gəlib və ya hədə qorxu gəlib aparıblar. Onlar evdən gedəndə heç nə götürməyiblər. Sənədləri də evdədir. Polisə də məlumat vermişik."

Sabir Qarayevin sözlərinə görə, Səriyə Məmmədova həyat yoldaşından ayrılıb. Qadının həyat yoldaşı ruhi xəstəxanada yatır. Məlumata görə, ordan qaçıb. Hadisə ilə bağlı polisə məlumat verilib.

Daxili İşlər Nazirliyinin Mətbuat Xidmətinin Gəncə Regional Qrupunun baş inspektoru Eşqin Qasımov APA-nın sorğusuna cavab olaraq bildirib ki, faktla bağlı Şəmkir rayon Polis Şöbəsinə mart ayının 12-si rəsmi məlumat daxil olub:

“Hazırda itki düşən şəxslərin yerinin müəyyən edilərək ailəsinə təhvil verilməsi istiqamətində müvafiq əməliyyat-axtarış tədbirləri davam etdirilir. Tez bir zamanda həmin şəxslər tapıldıqda ictimaiyyətə əlavə məlumat veriləcək”.

Bizimlə əlaqə saxlayın

Digər Cəmiyyət xəbərləri