Maşın ağaca çırpıldı, sürücü içəridə sıxılı vəziyyətdə qaldı

Qazax rayonunun Çaylı kəndində “Mercedes” markalı minik avtomobili ağaca çırpılıb.

Bu barədə Fövqəladə Hallar Nazirliyindən (FHN) məlumat verilib.

Nəticədə xilasedici köməyinə ehtiyac yaranıb.

Hadisə yerinə cəlb olunan FHN-nin Dövlət Yanğından Mühafizə Xidmətinin müvafiq xilasetmə qüvvələri müxtəlif xəsarətlər alaraq sıxılı vəziyyətdə qalan sürücünü deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.