Şirvanda 17 yaşlı yeniyetmə intihar edib

Şirvanda yeniyetmə özünü asıb.

APA xəbər verir ki, intihar hadisəsi Şirvan şəhəri, 1 may küçəsində qeydə alınıb.

Şirvan sakini, 2005-ci il təvəllüdlü Məmmədli Elvin Azər oğlu özünü yaşadığı evdə asaraq intihar edib. İntiharın səbəbləri məlum deyil. E.Məmmədlinin meyiti müayinə olunmaq üçün Şirvan şəhər morquna yerləşdirilib.

Faktla bağlı Şirvan Şəhər Prokuroluğunda araşdırma aparılır.