23 
May
2022
18:56
259
53
3166
Virtual karabakh

Həkim: “Azərbaycanda meymunçiçəyi aşkarlanarsa, bunlar tək-tük hallar olacaq” - MÜSAHİBƏ

23 May, 2022
18:56
3166

Həkim: “Azərbaycanda meymunçiçəyi aşkarlanarsa, bunlar tək-tük hallar olacaq” - MÜSAHİBƏ

Bizim WhatsApp kanalımıza buradan abunə ola bilərsiniz

Meymunçiçəyi ilkin mərhələdə hərarətin yüksəlməsi, baş və əzələ ağrıları, limfa düyünlərinin şişməsi, titrəmə və yorğunluğun artması ilə özünü göstərir. Daha sonra səpgi çoxala bilər; adətən üzdən başlayır və sonra cinsiyyət orqanları da daxil olmaqla bədənin digər hissələrinə yayılır. Səpgi tədricən dəyişir, qaysaq bağlayana qədər suçiçəyi və ya siflis kimi görünə bilər.

Bu sözləri həkim infeksionist Polina Əliyeva Media.Az-ın xəstəliyin əlaməti ilə bağlı suallarını cavablandırarkən bildirib.

Onun sözlərinə görə, virus ilk dəfə 1958-ci ildə təsvir edilib, artıq 70-ci ildə isə Konqo Respublikasında insanın meymundan yoluxma hadisəsi qeydə alınıb.

“İndiyə qədər meymunçiçəyinin iki ştammı məlumdur: Qərbi Afrika - ölüm nisbəti təxminən 3% (daha yüngül), Mərkəzi Afrika - ölüm nisbəti 10,5% -dən çox (daha ağır)”, - deyə həkim xəstəliyin ölümcüllüyü barədə danışarkən izah edib.

Hazırda hansı ştammın yayılmasına gəlincə isə infeksionist 2022-ci ildə virusun Nigeriyadan qayıdan britaniyalıda aşkar edildiyini xatırladıb.

“Təhlillər zamanı məlum olub ki, xəstədə olan virus Qərbi Afrika ştamına aiddir. Eyni zamanda, bu xəstəliyin yayılması mütəmadi olaraq Afrikada, əsasən Konqo daxilində qeydə alınıb. 2017-ci ildə Nigeriyada epidemiya baş verdi”, - deyə həkim əlavə edib.

Mütəxəssis immunosupressiv vəziyyəti olan insanların (bu və ya digər səbəbdən immuniteti zəifləyən), yaşlıların və  azyaşlı uşaqların risk qrupunda olduğunu xatırladıb.

Virusun daha çox isti iqlimi olan ölkələrdə yayılması nəzərə alınarsa Azərbaycanda bunun baş vermə riski barədə danışan həkim təbii ki, riskin olduğunu dedi.

“Üstəlik, bizdə isti iqlim var və virus artıq Avropada geniş yayılıb. Düşünürəm ki, yaxın gələcəkdə aşkarlansa belə, bunlar pandemiya bir yana, epidemiyaya belə gətirib çıxarmayacaq tək-tük hallar olacaq”, - deyə Polina Əliyeva bildirib.

Bizimlə əlaqə saxlayın

Digər Cəmiyyət xəbərləri