24 
May
2022
17:54
39
326
2477
Virtual karabakh

Rövşən Əsgərov Moskvada qiyabi həbs edilib

24 May, 2022
17:54
2477

Rövşən Əsgərov Moskvada qiyabi həbs edilib

Moskvanın Basmannı məhkəməsi “Nə? Harada? Nə zaman?” intellektual oyununun iştirakçısı Rövşən Əsgərovu nasizmin reabilitasiyası ilə bağlı iş çərçivəsində qiyabi həbs edib.

Bu barədə məhkəmənin mətbuat xidmətindən məlumat verilib.

“Məhkəmə istintaqın vəsatətini təmin edib, R.Əsgərov barəsində Rusiya Federasiyasının ərazisində saxlandığı və ya ekstradisiya edildiyi andan iki ay müddətinə həbs-qətimkan tədbiri seçilib”, - deyə bildirilib.

Bundan əvvəl İstintaq Komitəsi R.Əsgərova qarşı nasizmin reabilitasiyası (Rusiya Federasiyası Cinayət Məcəlləsinin 354.1-ci maddəsinin 4-cü bəndi) üzrə cinayət işi başladıb. Bir müddət sonra isə axtarışa verib.

İstintaq müəyyən edib ki, o, aprelin 6-da “Facebook” səhifəsində qəsdən Sovet İttifaqının marşalı Georgi Jukovun xatirəsini təhqir edən və gözdən salan yalan məlumatlar dərc edib.

Rövşən Əsgərov 30 il ərzində “Nə? Harada? Nə zaman?” intellektual teleoyununda iştirak edib, 2001-ci ildə yarışın ali mükafatı olan “Büllur bayquş” qazanıb.

Mənbə: RİA Novosti

Bizimlə əlaqə saxlayın

Digər Cəmiyyət xəbərləri