İyn
2022
20:07
20
184
7090
Virtual karabakh

Nərmin Quliyeva cinayəti: İlkin Süleymanovun dustaq yoldaşları DANIŞDI

1 İyn, 2022
20:07
7090

Nərmin Quliyeva cinayəti: İlkin Süleymanovun dustaq yoldaşları DANIŞDI

Bizim WhatsApp kanalımıza buradan abunə ola bilərsiniz

Bu gün Gəncə Ağır Cinayətlər Məhkəməsində Tovuz rayonunda 10 yaşlı Nərmin Quliyevanı qətlə yetirməkdə təqsirləndirilən İlkin Süleymanovun cinayət işi üzrə növbəti məhkəmə prosesi keçirilib.

“Report”un Qərb bürosunun məlumatına görə, hakim Dadaş İmanovun sədrliyi ilə keçirilən prosesdə təqsirləndirilən İlkin Süleymanovla birgə təcridxanada olan Əliyev Eyvaz və Mirzəyev Raqif ifadə verib.

Onlar təcridxanada İlkin Süleymanovun kimlərisə təhqir etdiyini eşitmədiklərini, İlkinin cinayəti törətmədiyini etiraf etdiyi barədə söhbətləri olmadığını bildiriblər.

Növbəti məhkəmə prosesi sabah saat 15:00-da olacaq.

Xatırladaq ki, Tovuz rayonunun Dondar Quşçu kənd sakini N.Quliyeva 2019-cu il noyabrın 21-də itkin düşüb, onun meyiti 2020-ci il yanvarın 6-da yandırılmış halda tapılıb. 2020-ci il yanvarın 10-da isə hadisəni törətməkdə şübhəli bilinən Dondar Quşçu kənd sakini, 1973-cü il təvəllüdlü İ.Süleymanov saxlanılaraq istintaqa cəlb edilib.

Ona Cinayət Məcəlləsinin 120.2.4 (xüsusi amansızlıqla qəsdən adam öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə), 144.3 (adam oğurluğu) və başqa maddələrində nəzərdə tutulan ittiham elan olunub.

Bizimlə əlaqə saxlayın

Digər Cəmiyyət xəbərləri