İranın İsrailə uduzmasının etirafı - VİDEO

İyunun 23-də İran siyasətində ən sirrli və qorxulu simalardan biri olan, İslam İnqilabçıları Keşikçiləri korpusunun, yəni Sepahın Kəşfiyyat Təşkilatı rəhbəri Hüseyn Tayiplə bağlı müxtəlif şaiələr yayıldı.

Onun vəzifəsindən kənarlaşdırıldığı, sui-qəsdə məruz qalıb yaralandığı və xəstəxanaya yerləşdirildiyi barədə söz-söhbətlər geniş müzakirələrə səbəb oldu, təsdiqlənməmiş məlumat kimi mediada da tirajlandı.

Lakin təsdiq məsələsi də özünü çox gözlətmədi, Sepahın İctimaiyyətlə Əlaqələr şöbəsi Hüseyn Tayibin vəzifəsindən azad olunaraq qurumun baş komandanının müşaviri təyin edildiyi, kəşfiyyat təşkilatının rəhbəri postunə isə general Məhəmməd Kazıminin gətirildiyi barədə rəsmi məlumat yaydı.