Göygöl rayonunda göldə batan şəxsin kimliyi məlum olub – YENİLƏNİB
Göygöl rayonunda göldə batan şəxsin kimliyi məlum olub – YENİLƏNİB
Göygöl rayonunun Ağdağ qəsəbəsi ərazisində, göldə batan şəxsin kimliyi məlum olub.
Oxu.Az xəbər verir ki, Duzlu göl adlanan ərazidə batan şəxs 1997-ci il təvəllüdlü, Daşkəsən rayon sakini Mustafayev Ramin Rasim oğludur.
Hadisə yerinə Fövqəladə Hallar Nazirliyinin və polis əməkdaşları gəlib.
Batan şəxsin meyidi göldən çıxarılaraq aidiyyəti üzrə təhvil verilib.
19:57
Göygöl rayonunun Ağdağ qəsəbəsi ərazisində, göldə batan bir nəfərin axtarışları başa çatıb.
Bu barədə Fövqəladə Hallar Nazirliyi məlumat yayıb.
Bildirilib ki, Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən həyata keçirilən axtarışlar nəticəsində batan şəxsin meyiti tapılaraq çıxarılıb və aidiyyəti üzrə təhvil verilib.
19:03
Göygöl rayonunun Ağdağ qəsəbəsi ərazisində, göldə bir nəfərin batıb.
Bu barədə Fövqəladə Hallar Nazirliyi məlumat yayıb.
Bildirilib ki, hadisə yerinə FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb olunub.
Əlavə məlumat veriləcək.