19 
Avq
2022
19:13
10
261
1533
Virtual karabakh

Firdovsi Əliyev: “İlkin hesablamalara görə, yanğın dörd min hektara yaxın əraziyə ziyan vurub”

19 Avq, 2022
19:13
1533

Firdovsi Əliyev: “İlkin hesablamalara görə, yanğın dörd min hektara yaxın əraziyə ziyan vurub”

Bizim WhatsApp kanalımıza buradan abunə ola bilərsiniz

Avqustun 15-dən şimal bölgəsində yanğınlar davam edir. Təəssüf ki, yanğınlar Şabran, Siyəzən, Quba və Xaçmaz rayonlarında olmaqla, böyük ərazini əhatə edib. Bu, son dövrlərdə baş verən ən böyük yanğın hadisəsidir. Təbiətə böyük ziyan dəyib. İlkin hesablamalara görə, yanğın bələdiyyə, dövlət fondu torpaqları, eləcə də meşələr olmaqla, ümumilikdə, 4 min hektara yaxın əraziyə ziyan vurub.

AZƏRTAC-ın bölgə müxbiri xəbər verir ki, bu sözləri ekologiya və təbii sərvətlər nazirinin müavini Firdovsi Əliyev Qubada media nümayəndələrinə müsahibəsində bildirib.

Nazir müavini qeyd edib ki, genişmiqyaslı yanğın ilk olaraq Şabran rayonunun Dağbilici kəndi yaxınlığında biçilmiş əkin sahəsindən başlayıb.

“Yanğının əsas səbəbi insan amili ilə bağlıdır. Ümumiyyətlə, ölkəmizdə baş verən yanğınların 98 faizi insanların təsiri ilə baş verib. Ötən beş gün müddətində güclü küləklə müşayiət olunan hava şəraiti oldu. Küləyin sürəti bəzən 18-22 km/san çatırdı. Yanğını fiziki cəhətdən söndürmək mümkünsüzləşirdi. Bəzən yanğınsöndürənlər boğulmaq təhlükəsi ilə üz-üzə qalırdılar. Çox şükür olsun ki, bu yanğın hadisələri zamanı xəsarət alan olmadı. Vətəndaşlarımızdan xahiş edirik ki, yanğın təhlükəsizliyi qaydalarına ciddi əməl etsinlər”, - deyə Firdovsi Əliyev qeyd edib.

Bizimlə əlaqə saxlayın

Digər Cəmiyyət xəbərləri