13 
Sen
2022
14:39
127
7
2337
Virtual karabakh

Azərbaycanda 10 il əvvəl qətl törətməkdə təqsirləndirilən şəxsə hökm oxunub

13 Sen, 2022
14:39
2337

Azərbaycanda 10 il əvvəl qətl törətməkdə təqsirləndirilən şəxsə hökm oxunub

Bizim WhatsApp kanalımıza buradan abunə ola bilərsiniz

Azərbaycanda 10 il əvvəl qətl törətməkdə təqsirləndirilən Zaur Şirinova hökm oxunub. O, 14 il müddətinə azadlıqdan mərhum edilib.

“Report” xəbər verir ki, bu barədə hökm Bakı Ağır Cinayətlər Məhkəməsinin hakimi Faiq Qəniyevin sədrliyi ilə keçirilən prosesdə elan olunub.

Qeyd edək ki, hadisə 2012-ci ilin oktyabrında paytaxtın Yasamal rayonunda baş verib.

Z.Şirinov tanışı və əvvəllər qonşuluğunda yaşamış Cəfər Axundovla Yasamal rayonu ərazisində yerləşən evdə narkotik vasitə qəbul edib.

Daha sonra Z.Şirinov Cəfər Axundovu narkotik sərxoşluğu vəziyyətində görüb, aralarında əvvəllər şəxsi münasibətlər zəminində baş vermiş mübahisəni bəhanə edib, onun qarın və sinə nahiyələrinə təpiklə zərbələr vurub. Cəfər Axundov aldığı çoxsaylı xəsarətlər nəticəsində ölüb.

Daha sonra törətdiyi cinayəti gizlətmək və narkotik maddənin təsiri altında öz əcəli ilə ölməsi görüntüsünü yaratmaq məqsədilə həmin gün axşam saatlarında Cəfər Axundovun meyitini onun mülkiyyətində olan “Mercedes-Benz C200” markalı, 90-LV-150 dövlət qeydiyyat nişanlı avtomobilin arxa oturacağına qoyub, Yasamal rayonu, “Qurd qapısı” adlanan ərazinin yaxınlığında yerləşən qəbiristanlığa aparıb. Avtomobildə cibinə şpris və içərisində narkotik vasitə izləri olan şüşə dərman qabını yerləşdirməklə oradan uzaqlaşıb.

Z.Şirinova qarşı Cinayət Məcəlləsinin 120.2.2-ci (Qəsdən adamöldürmə, xuliqanlıq niyyəti ilə adamöldürmə) maddəsi ilə ittiham irəli sürülüb.

Bizimlə əlaqə saxlayın

Digər Cəmiyyət xəbərləri