Okt
2022
17:42
299
26
6904
Virtual karabakh

Ətin pulunu hotellərə xərcləyən qəssab həbs edildi

3 Okt, 2022
17:42
6904

Ətin pulunu hotellərə xərcləyən qəssab həbs edildi

Qəbələnin Nic kəndində yerləşən ət dükanında qəssab işləyən şəxsə üç il həbs cəzası verilib. 

“Qaynarinfo”nun məlumatına görə, 1984-cü ildə Qəbələ rayonunun Mıxlıqovaq kəndində anadan olmuş Yunus Yusibov Nic kəndində yerləşən ət dükanında qəssablıqla məşğul olub.

Oğuz rayonunun Xaçmaz kəndində yaşayan tanışının etibarından sui-istifadə etməklə ona məxsus bir baş dişi, çəkisi 220 kiloqram olan cins düyəni 1900 manata alıb və pulu əti satdıqdan sonra qaytaracağına söz verib.

Bundan başqa, o, eyni əməli Oğuz rayonunun Yaqublu kəndində yaşayan tanışına qarşı da edib və dəyəri 2800 manat olan iki iribuynuzlu heyvanını alıb.

Yunus Yusibov Oğuz rayonunun Kərimli kəndində yaşayan fermerdən də 4260 manat məbləğində iri buynuzlu heyvanlar alaraq, pulunu verməyib.

O, həmçinin Oğuz rayonunun Xal-Xal kəndində yaşayan fermerlə uzun illər alış-veriş edərək etibarını qazanıb və ona da 6500 manat məbləğində ziyan vurub.

Cinayət Məcəlləsinin 178.2.2 və 178.2.4-cü maddələri ilə elan olunmuş ittihamda özünü təqsirli bilən Yunus Yusibov ifadəsində göstərib ki, pulları əyləncə, restoran və hotel istirahəti üçün xərcləyib.

Qəbələ Rayon Məhkəməsinin qərarı ilə təqsirləndirilən şəxs Cinayət Məcəlləsinin 178.2.2 və 178.2.4-cü maddələrində nəzərdə tutulmuş cinayət əməlini törətməkdə təqsirli bilinib, 3 il müddətinə azadlıqdan məhrum edilib. O, cəzasını ümumi rejimli Cəzaçəkmə Müəssisəsində çəkəcək.

Bizimlə əlaqə saxlayın

Digər Cəmiyyət xəbərləri