Cəlilabadda yeni evlənən gənc doğulduğu evə gəlib intihar etdi

Cəlilabad rayonu, Məşədihüseynli kəndində intihar baş verib.

Lent.az-ın məlumatına görə, kənd sakini 28 yaşlı Tarverdiyev Cavid Rafiq oğlu yaşadığı evin həyətində pres ipi özünü ağacdan asıb.

Əldə edilən məlumata görə, yeni ailə quran C. Tarverdiyev Cəlilabad şəhərində yaşayır. O, dünən atası ilə birgə tikinti materialları alaraq, Məşədihüseynli kəndinə, ata evinə gəlib. Naməlum səbəbdən o, elə həmin evin həyətindəki ağaclıqda özünü asıb.

Faktla bağlı araşdırma aparılır.