Göygöldə avtomobilin ağaca çırpılması nəticəsində ölən və yaralananların kimliyi məlum oldu - YENİLƏNİB

Göygöldə yol-nəqliyyat hadisəsi zamanı ölən və yaralanan şəxslərin kimliyi məlum olub.

DİN-in Mətbuat Xidmətinin Gəncə regional qrupundan Oxu.Az-a verilən məlumata görə, Göygöl rayon Yeni Zod kəndindən rayon istiqamətində hərəkətdə olan VAZ-2107 markalı avtomobil idarəetməni itirərək ağaca çırpılıb.

Hadisə nəticəsində avtomobildə olan sərnişinlərdən biri 1990-cı il təvəllüdlü Aslanova Bəsdi vəfat edib, dörd nəfər - 1988-ci il təvəllüdlü Yusibov Elmir, 1999-cu il təvəllüdlü Hacıyev Bayram, 2007-ci il təvəllüdlü Rəfiyev Xudayar və 1997-ci il təvəllüdlü Hacıyeva Aişə xəsarət alıblar.

Rayon Polis Şöbəsinin əməkdaşları hadisə yerinə gəlib, çətin hava şəraiti ilə əlaqədar ərazidə nəqliyyatın hərəkətini bərpa ediblər. 

İlhamə Əbülfət

19:50

Göygöl rayonunda bir neçə nəfərin ölümü ilə nəticələnən ağır yol-nəqliyyat hadisəsi olub.

“Report”un məlumatına görə, hadisə rayonun Olimpiya Kompleksinin yaxınlığında qeydə alınıb.

Minik avtomobilinin ağaca çırpılması nəticəsində ölən və yaralananlar var.

Faktla bağlı araşdırma aparılır.