Dek
2022
19:44
44
663
25250
Virtual karabakh

Məşhur rəqqasın intihar səbəbi nə idi? - YENİLƏNİB + FOTO/VİDEO

5 Dek, 2022
19:44
25250

Məşhur rəqqasın intihar səbəbi nə idi? - YENİLƏNİB + FOTO/VİDEO

Ötən gün intihar edən tanınmış rəqqas Dəyanət Məmmədovun dostu Nurlan Əzizov mərhumun külli miqdarda borcu olduğunu bildirib.

N.Əzizov qeyd edib ki, Dəyanətin borclu olduğu adamlar tez-tez qapısına gəlirdi:

“Toylarda dizayn işləri ilə məşğul olduğu üçün bir sıra avadanlıqları var idi. Avadanlıqları əldə etmək üçün müəyyən məbləğdə borc alıb. Bəzi toy və məclislərdə ziyana getdiyi üçün borcunu qaytara bilmirdi”.

Qeyd edək ki, mərhum rəqqas bu gün doğulduğu Quba rayonunun Gəray kəndində torpağa tapşırılıb.

Daha ətraflı Baku TV-nin süjetində:

12:02

Mərhum rəqqasın yaxın dostu Əli Məqsədoğlu Oxu.Az-a Dəyanətin pis vərdişləri olmadığını qeyd edib:

“Ailəsi haqda məlumatım yoxdur. Sonuncu dəfə Dəyanət mayın 31-də oğlumun toyunda iştirak edib. Dost, qardaş idik. Nədən özünü asdığı məlum deyil. Pis vərdişlərə aludəçiliyi yox idi. Çox mülayim, mehriban insan idi. Heç gözləməzdim. Kaş, yalan olsun”.

Əldə edilən məlumata görə, mərhum rəqqas Dəyanət Məmmədov Quba rayonunda mənzildə özünü asaraq intihar edib. Evin onun özünə məxsus olmadığı bildirilib.

11:00

“İntiharın hansı şəkildə baş verməsindən xəbərsizəm”.

Bu sözləri mərhum rəqqas Dəyanət Məmmədovun dostu meyxanaçı Kamran Xırdalanlı Oxu.Az-a açıqlamasında deyib.

Onun sözlərinə görə, Dəyanətin ölümü ilə bağlı sosial şəbəkələrdə yanlış məlumatlar var:

“Onunla bağlı sosial şəbəkələrdə yanlış məlumatlar dolaşır. Hamısı yalandır. Boşandığı bildirilir. Elə bir söhbət yoxdur. Sadəcə özünün, bir də Allahın bildiyi səbəb olub. O bizim dostumuz, əziz qardaşımız idi. Hazırda yoldayam, dəfn mərasiminə yollanıram”.

K. Xırdalanlı dostunu sonuncu dəfə sənət yoldaşı Rəşad Dağlının oğlunun toyunda gördüyünü açıqlayıb:

“Ondan sonra görməmişəm. Dəyanət rəqqaslıqla yanaşı dekorasiya işi ilə də məşğul idi. Başını aşağı salıb işini işləyən biri idi. İntiharın hansı şəkildə baş verməsindən xəbərsizəm. Qubada dəfn olacaq. Ata-anası, qardaşları - hamısı orada yaşayır. Özü Bakıda da yaşayırdı. Ora da gedib-gəlirdi. Ailəli idi, qız övladları var idi. 1991-ci il təvəllüdlü idi”.

Mərhumun daha bir  yaxın dostu isə xəbərdən sonra hələ də özünə gələ bilmədiyini söyləyib:

“Çox acı xəbərdir. Donub qalmışam. İllərin dostu idi. Biz Qubada birlikdə işləmişik. Haradan-hara gəlib çıxmışıq. Dünən mən Xaçmazda bir məclisdə idim. Telefonu açanda məlumatı gördüm. İnana bilmədim. Ölümü ilə barışa bilmirəm. Harada dəfn ediləcəyindən belə xəbərsizəm. Çaşıb qalmışam. Təəssüf, intihar yaxşı bir hal deyil. Kaş belə olmazdı”.

09:36

Tanınmış rəqqas Dəyanət Məmmədov intihar edib.

Bu barədə onun yaxın dostu, yazar Murad Muradov məlumat yayıb.

Onun sözlərinə görə, rəqqas gecə saatlarında həyatına son qoyub.

Nəzrin Vahid

Bizimlə əlaqə saxlayın

Digər Cəmiyyət xəbərləri