Azərbaycanda əfv sərəncamının icrası başa çatıb - YENİLƏNİB
Azərbaycanda əfv sərəncamının icrası başa çatıb - YENİLƏNİB
101 nəfər bağışlandı.
Azərbaycan prezidentinin imzaladığı əfv sərəncamının icrası başa çatıb.
Oxu.Az xəbər verir ki, prezident İlham Əliyevin martın 18-də imzaladığı sərəncam ümumilikdə 101 nəfərə şamil edilib.
Sərəncama əsasən, azadlıqdan məhrum etmə cəzasına məhkum edilmiş 90 nəfər cəzanın çəkilməmiş hissəsindən, 4 nəfər islah işləri, 7 nəfər isə cərimə cəzasından azad edilib.
09.12
Bu gün səhər saatlarından Azərbaycanda ölkə prezidenti İlham Əliyevin martın 18-də imzaladığı əfv sərəncamının icrasına başlanılıb.
Oxu.Az xəbər verir ki, dövlət başçısı öz sərəncamı ilə 101 nəfəri əfv edib.
Onlardan 90 nəfər cəzasının çəkilməmiş hissəsindən, daha 4 nəfər islah işləri, 7 nəfər isə cərimə cəzasından azad edilib.
Sərəncamın icrası bu gün başa çatmalıdır.