18 
Yan
2023
19:44
7
376
2883
Virtual karabakh

İlkin Süleymanovun məhkəməsi təxirə salındı

18 Yan, 2023
19:44
2883

İlkin Süleymanovun məhkəməsi təxirə salındı

Bizim WhatsApp kanalımıza buradan abunə ola bilərsiniz

Bu gün Gəncə Ağır Cinayətlər Məhkəməsində Tovuz rayonunda 10 yaşlı Nərmin Quliyevanı qətlə yetirməkdə təqsirləndirilən İlkin Süleymanovun cinayət işi üzrə keçirilməsi nəzərdə tutulan məhkəmə prosesi təxirə düşüb.

“Report”un məlumatına görə, hakim Dadaş İmanovun sədrliyi ilə keçirilməsi nəzərdə tutulan məhkəmə iclası istintaq zamanı qeyd olunan maddi sübutların müvəqqəti olaraq məhkəməyə təqdim edilə bilməməsi səbəbindən təxirə salınıb.

Növbəti məhkəmə iclası yanvarın 25-nə təyin olunub.

Xatırladaq ki, Tovuz rayonunun Dondar Quşçu kənd sakini N.Quliyeva 2019-cu il noyabrın 21-də itkin düşüb, onun meyiti 2020-ci il yanvarın 6-da yandırılmış halda tapılıb. 2020-ci il yanvarın 10-da isə hadisəni törətməkdə şübhəli bilinən Dondar Quşçu kənd sakini, 1973-cü il təvəllüdlü İ.Süleymanov saxlanılaraq istintaqa cəlb edilib.
Ona Cinayət Məcəlləsinin 120.2.4 (xüsusi amansızlıqla qəsdən adam öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə), 144.3 (adam oğurluğu) və başqa maddələrində nəzərdə tutulan ittiham elan olunub.

Bizimlə əlaqə saxlayın

Digər Cəmiyyət xəbərləri