Şəkidə köhnə uşaq xəstəxanasında baş verən yanğın söndürüldü - YENİLƏNİB
Şəkidə köhnə uşaq xəstəxanasında baş verən yanğın söndürüldü - YENİLƏNİB
Şəkidə köhnə uşaq xəstəxanasında baş verən yanğın söndürülüb.
Oxu.Az-ın məlumatına görə, hadisə “Yuxarı Baş” Milli Tarix-Memarlıq Qoruğunun ərazisində, Mirzə Fətəli Axundzadə küçəsində yerləşən və hazırda istifadə edilməyən xəstəxanada baş verib.
Yanğın nəticəsində binanın yanar konstruksiyaları yanıb. Yanğının ətrafda yerləşən və yaşayış olmayan digər tikililərə keçməsinin qarşısı alınıb. Hadisə yerinə FHN-nin Şəki Yanğından Mühafizə Hissəsinin yanğınsöndürənləri cəlb edilib. Yanğının hansı səbəbdən baş verdiyi hələlik bilinmir.
FHN Dövlət Yanğından Mühafizə Xidməti tərəfindən qısa müddətdə söndürülüb.
Faktla bağlı araşdırma aparılır.
20:53
Keçmiş Şəki Rayon Uşaq Xəstəxansının inzibati binası yanır.
APA-nın məlumatına görə, axşam saat 19:36 radələrində Şəki şəhəri M. F. Axundov küçəsində hazırda fəaliyyət göstərməyən Şəki Rayon Uşaq Xəstəxansının inzibati binası yanır.
Yanğının söndürülməsi üçün əraziyə Fövqaladə Hallar Nazirliyinin (FHN) Şəki rayon Dövlət Yanğından Mühafizə Hissəsinin 4 yanğınsöndürən maşını və şəxsi heyətləri cəlb edilib. Hazırda yanğının söndürülməsi istiqamətində işlər aparılır.