Bakıda sürücünün ehtiyatsız davranışı ağır qəzaya səbəb oldu - ANBAAN VİDEO

Bakıda ötən gün gecə saatlarında dəhşətli yol-nəqliyyat hadisəsi baş verib.

Oxu.Az xəbər verir ki, bununla bağlı görüntülər sosial şəbəkədə yayılıb. 

Hadisə Xəzər rayonunun Şüvəlan qəsəbəsində qeydə alınıb.

Belə ki, “Saipa” markalı avtomobilin sürücüsü 1.1 nişanlama xəttinin olduğu yolda qarşıda hərəkət edən VAZ-2107 markalı maşını ötmək istəyib. 

Bu zaman “Saipa”nın sürücüsü idarəetməni itirərək, nəqliyyat vasitəsini əvvəlcə VAZ-2107-yə, daha sonra yol kənarındakı ağaca çırpıb.

Qəza zamanı üç nəfərin yüngül bədən xəsarətləri aldığı bildirilib.

Həmin görüntüləri təqdim edirik:

Nəzrin Vahid