Dövlət Komissiyası: “Şuşada kütləvi məzarlıqlarla bağlı axtarış işləri davam etdiriləcək”

“Şuşada kütləvi məzarlıqlarla bağlı axtarış işləri davam etdiriləcək”.

“Report”un Şuşaya ezam olunan əməkdaşı xəbər verir ki, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının İşçi qrupu rəhbərinin müavini Eldar Səmədov jurnalistlərə açıqlamasında deyib.

O bildirib ki, Şuşada yeni aşkarlanan məzarlıqda 4 nəfərə aid insan qalığı müəyyən edilib.

“Şuşada kütləvi məzarlıqla bağlı axtarış və araşdırma işlərini davam etdirəcəyik. Dövlət Komissiyasının sədri Əli Nağıyevin tapşırığı ilə bura ayrıca mütəxəssis qrupu göndəriləcək və qazıntı işləri davam etdiriləcək”, - E.Səmədov vurğulayıb.