Füzulidə DİN-in üç əməkdaşı yol qəzasında həyatını itirib

Sentyabrın 19-da saat 1 radələrində Füzuli rayonu ərazisində ağır yol-nəqliyyat hadisəsi baş verib. 

Bu barədə Daxili İşlər Nazirliyi (DİN) məlumat yayıb.

Bildirilib ki, yük avtomobilinin aşması nəticəsində DİN-in üç əməkdaşı hadisə yerində həyatını itirib, altı əməkdaşı müxtəlif dərəcəli bədən xəsarətləri alıb. Xəsarət alan əməkdaşlar xəstəxanaya yerləşdirilib. 

Faktla bağlı araşdırma aparılır.