“Neftçi”nin keçmiş futbolçusu barədə film çəkilib

Bakının “Neftçi” klubunun keçmiş futbolçusu Aleksandr Prokopenko barədə film çəkilib.

Oxu.Az Report-a istinadən xəbər verir ki, filmdə Anatoli Yarmelonko, Aleksandr Alekseyçikov, Sergey Aleynikov, Vladimir Kurnev və digər futbolçular mərhum oyunçu haqda xatirələrini bölüşüblər.

Belaruslu sabiq baş məşqçi Eduard Malofeyev və Anatoli Baydaçnının da iştirak etdiyi filmdə Prokopenkonun keçdiyi həyat yolundan bəhs edilib.

Qeyd edək ki, Aleksandr Prokopenko 1986-cı ilin iyunundan 1987-ci ilin aprelinədək “Neftçi”də çıxış edib. O, 5 oyuna 1 qol vurub.

A.M.

www.oxu.az