Azərbaycanın futbol çempionatında – YENİ KLUB

Azərbaycan I Divizionunda çıxış etmək üçün daha bir komanda müraciət edib.

Oxu.Az-ın Report-a istinadən məlumatına görə, bu barədə jurnalistlərə Peşəkar Futbol Liqasının prezidenti Ramin Musayev açıqlama verib. 

Onun sözlərinə görə, həmin komandanın adı “Göyçay”dir.

Daha öncə "Binə"nin də eyni istəklə PFL-ə baş vurduğunu xatırladan R.Musayev artıq I Divizionda iştirakçı sayının 12-yə yüksəldiyini bildirib. O, qarşıdakı mövsümdə aşağı liqanın daha maraqlı keçəcəyini əlavə edib.

Premyer Liqanın püşkatma mərasimi isə avqustun 1-2-də olacaq. R.Musayev tədbirin gecikməsini hazırda 4 klubun avrokuboklarda mübarizəni davam etdirməsi ilə əlaqələndirib. 

S.B.
www.oxu.az