16 
May
2018
18:07
189
31
7226
Virtual karabakh

Əfran İsmayılov “Qarabağ”dan ayrılmağının səbəbini açıqladı

16 May, 2018
18:07
7226

Əfran İsmayılov “Qarabağ”dan ayrılmağının səbəbini açıqladı

Bizim WhatsApp kanalımıza buradan abunə ola bilərsiniz

“Qarabağ” futbol klubunun oyunçusu Əfran İsmayılov komanda ilə yollarını ayrılıb.

Bu barədə Oxu.Az-a futbolçunun özü məlumat verib:

“Son vaxtlar az oynayırdım. Müqaviləm də bu ay başa çatır. Gələcək karyeramı bilmək və mənimlə yeni müqavilə bağlanılıb-bağlanılmamasını aydınlaşdırmaq üçün baş məşqçimiz Qurban Qurbanovla söhbət etdim. Mənə dedi ki, sənə qarşı inam azalıb. Bunu anlayışla qəbul etdim və kluba sonrakı fəaliyyətində uğurlar arzu etdim”.

Əfran İsmayılov onu da bildirib ki, mümkün qədər karyerasını ölkə xaricində davam etdirməyə çalışacaq:

“Klubdakı karyeramı indi müəyyənləşdirməyim yerinə düşdü. Çünki artıq özümə klub tapmaq üçün kifayət qədər vaxtım olacaq. Çalışacağam ki, ilk növbədə ölkə xaricindən gələn təklifləri dəyərləndirim”.

Qeyd edək ki, bu, “Qarabağ”dan ayrılması dəqiqləşmiş üçüncü futbolçudur. Klub rəsmi şəkildə braziliyalı Pedro Enrike ilə vidalaşdığını bəyan edib.

Komandanın baş məşqçisi Qurban Qurbanov isə digər braziliyalı Rişard Almeydanın ölkə xaricində çıxış edəcəyini bildirib.  

Səbuhi TOFİQOĞLU
www.oxu.az

Bizimlə əlaqə saxlayın

Digər İdman xəbərləri