“Qarabağ” ÇL-də mübarizəni dayandırdı - VİDEO

Bu gün Çempionlar Liqasında  3-cü təsnifat mərhələsinin cavab oyunları keçirilib.

Oxu.Az-ın xəbərinə görə, təmsilçimiz “Qarabağ” da növbəti oyununa çıxıb. Qurban Qurbanovun komandası səfərdə BATE-nin qonağı olub. 

Bakıda keçirilən ilk görüşdə rəqibinə 0:1 hesabı ilə uduzan Ağdam təmsilçisi mərhələni keçmək üçün Belarusdakı oyunda qələbə qazanmalı idi. 

Lakin çempionumuz bu vəzifənin öhdəsindən gələ bilməyib. Oyun 1:1 hesabı ilə nəticələnib və ağdamlılar ÇL-də mübarizəni dayandırıblar.

Ağdamlılar mübarizəni UEFA Avropa Liqasında davam etdirəcək. “Qarabağ” klubunun rəqibi play-off mərhələsində “Şerif” (Moldova) - “Valur” (İslandiya) duelinin qalibi olacaq.

www.oxu.az