“Səbail” – “Zirə” matçının nəticəsi ləğv olundu
“Səbail” – “Zirə” matçının nəticəsi ləğv olundu
AFFA İntizam Komitəsi Azərbaycan Premyer Liqası təmsilçisi “Zirə”yə texniki məğlubiyyət verib.
Oxu.Az xəbər verir ki, “Səbail” – “Zirə” matçında qonaq komandanın heyətində limit pozulub. Belə ki, turnirin reqlamentinə əsasən protokola 1998-ci il və ya daha gənc təvəllüdlü futbolçu daxil edilməlidir.
“Zirə” protokola 1998-ci il və ya daha gənc təvəllüdlü futbolçu qeyd etmədiyinə görə oyunun nəticəsi (1:1) ləğv edilib və kluba 0:3 hesablı texniki məğlubiyyət verilib.
Bundan əlavə, Premyer Liqanın IV turunun “Qarabağ” – “Sumqayıt” matçı başa çatdıqdan sonra qonaq komandanın azarkeşləri baş hakimin son saniyələrdə təyin etmədiyi penaltiyə görə meydançaya kənar əşyalar atıb. Bu üzdən Sumqayıt klubu 1600 manat cərimə olunub.
Səbuhi MUSAYEV
www.oxu.az