Millimizin üzvü Kataloniya klubunda – FOTO

20 yaşadək basketbol millimizin (U-20) üzvü Əkbər Məmmədov İspaniyada legioner karyerası yaşayacaq.

Oxu.Az xəbər verir ki, 1999-cu il təvəllüdlü basketbolçumuz İspaniyanın Kataloniya bölgəsini təmsil edən “Arenis” klubuna keçib.

“Arenis” klubu Məmmədovun İrana yaxın Cəlilabad rayonunda doğulduğunu və onun 2018/19 mövsümündə gənclər komandasının açar üzvlərindən biri olacağını qeyd edib. Həmçinin “Arenis” klubu azərbaycan dilində idmançımıza “Kataloniyaya xoş gəlmisiniz” yazmağı da unutmayıblar.

Qeyd edək ki, Əkbər Məmmədov Bolqarıstanda keçirilmiş U-20-lərin Avropa çempionatında 16 xal və 12 ribaundla yadda qalıb. 

Səbuhi MUSAYEV
www.oxu.az