Səkkiz yaşlı şahmatçımız dünya çempionatının medalını qazanıb - FOTO

İspaniyanın Santyaqo de Kompostela şəhərində yeniyetmələr üzrə dünya çempionatında səkkiz yaşlı şahmatçımız mükafatçı olub.

Oxu.Az xəbər verir ki, avqustda Avropa çempionu olmuş Cahandar Azadəliyev II yeri tutaraq dünya çempionatının gümüş medalını qazanıb.

U-8 Open kateqoriyası üzrə dünya çempionu ABŞ təmsilçisi Yuvrac Çenaredi və bürünc medalçı özbəkistanlı Xumoyun Beqmuradov olub.

Qeyd edək ki, 86 federasiyadan rekord sayda – 851 iştirakçının mübarizə apardığı bu dünya çempionatında 542 oyunçu Open-da, 309-u isə qızların yarışında çıxış edib. U-8-dən əlavə, U-10 və U-12 üzrə qaliblər də müəyyənləşdirilib.

Səbuhi MUSAYEV
www.oxu.az