12 
Mar
2019
14:11
146
24
7243
Virtual karabakh

Zidan ilk dəfə “Real”ı tərk etməsinə aydınlıq gətirdi

12 Mar, 2019
14:11
7243

Zidan ilk dəfə “Real”ı tərk etməsinə aydınlıq gətirdi

Bizim WhatsApp kanalımıza buradan abunə ola bilərsiniz

“Ev”ə qayıtdığım üçün çox şadam. Düşünürəm ki, daha sonra çox suallar verəcəksiniz. İndi isə qayıtmağıma şad olmağımdan başqa nəsə demək istəmirəm. 

Oxu.Az xəbər verir ki, bu sözləri Zinəddin Zidan deyib.

Yenidən “Real”a baş məşqçi təyin olunan fransalı mütəxəssis “Real”dan niyə ayrılmasının səbəbini açıqlayıb: 

“Bu komanda ilə 2,5 il ərzində bütün titulları qazandığım üçün dəyişikliyə ehtiyac var idi və buna görə getməli oldum. İndi isə qayıdıram, çünki prezident çağırır. Əsas məsələ isə budur ki, doqquz ay sonra yenidən işləmək üçün həvəs yaranıb. Hər şey qarşıdakı bir neçə ildə dəyişməlidir. Amma indi əsas iş bu deyil. Mövsümün sonuna qədər 11 oyun qalıb və biz uğurlu yekun istəyirik.

Doqquz ay boyunca bu barədə heç bir müsahibə verməmişdim, indi isə deyirəm, məni klub prezidenti özü dəvət etdi, ona “yox” deyə bilməzdim. Çünki bu klubu və onun prezidentini sevirəm. Bu müddətdə yaxşı enerji yığmışam, öz işlərimlə məşğul olmuşam, indi isə işləməyə hazıram. Bu doqquz ayda fikirlərim çox dəyişib”.

O, yayda komandanı tərk etmiş Kriştianu Ronaldu ilə bağlı verilən sualı isə belə cavablandırıb:

“Biz bu gün onun haqda danışmamalıyıq. Bizi çempionatda 11 oyun gözləyir və ona köklənməliyik. Ronaldu bu klubun tarixinə düşüb və bunu heç kim dəyişə bilməz. O, klubun ən yaxşı oyunçularından biri olub, ancaq bu gün onun haqda danışmağın zamanı deyil”.

Qeyd edək ki, Zinəddin Zidan “Real”la 2022-ci ilə kimi anlaşma imzalayıb.

Səbuhi MUSAYEV

Bizimlə əlaqə saxlayın

Digər İdman xəbərləri