“Arsenal” və “Çelsi” rəsmiləri Bakıda

UEFA Avropa Liqası turnirinin bu il mayın 29-da Bakı Olimpiya Stadionunda keçiriləcək final oyununa hazırlıq çərçivəsində finalçı komandaların – “Arsenal” və “Çelsi” klublarının rəsmilərinin, eləcə də, UEFA nümayəndələrinin Bakıya işgüzar səfəri başlayıb.

Bu barədə AFFA-nın rəsmi saytı məlumat yayıb.

Bildirilir ki, mayın 15-nə qədər davam edəcək səfər proqramında 20 nəfərə yaxın klub nümayəndəsi Bakı Olimpiya Stadionunda təhlükəsizlik, azarkeş zonasında hazırlıq prosesi, komandaların qalacağı hotellərlə yerində tanış olacaq, eləcə də, final oyununun təşkili barədə fikir mübadiləsi aparılacaq.