13 
May
2019
19:41
429
32
5462
Virtual karabakh

Azərbaycan ilk gündə doqquz medal qazandı - YENİLƏNİB

13 May, 2019
19:41
5462

Azərbaycan ilk gündə doqquz medal qazandı - YENİLƏNİB

Bizim WhatsApp kanalımıza buradan abunə ola bilərsiniz

Azərbaycan millisi Bakıda keçirilən paracüdo üzrə Qran-Pri turnirində daha yeddi medal qazanıb.

Oxu.Az xəbər verir ki, Bayram Mustafayev (-66 kq) finalda uduzaraq gümüş medal əldə edib.

66 kq-dakı digər idmançımız Namiq Abbaslı bürünc medal qazanıb. Həmçinin Bəsti Səfərova (-52 kq) üçüncü yer uğrunda görüşdə Səbinə Abdullayevadan üstün olaraq bürünc medala yiyələnib.   

Ötən Paralimpiya Oyunlarının qalibi, dünya və ikiqat Avropa çempionu, IV İslam Həmrəyliyi Oyunlarının qalibi Ramil Qasımov (-73 kq) bürünc medal uğrunda Nikolay Kornhasa (Almaniya) qalib gəlib.

Qadınların 57 kq çəki dərəcəsində Azərbaycan finalı baş tutub. Sevda Vəliyeva Afaq Sultanovadan üstün olub.

Kişilərin 81 kq çəki dərəcəsində isə Hüseyn Rəhimli finalda Davurxan Kərəmətova (Özbəkistan) uduzub və gümüş medal qazanıb.

Beləliklə, Azərbaycan ilk gündə doqquz medal qazanıb. Azərbaycan üç qızıl, üç gümüş və üç bürünc medal qazanıb.

17:45

Bakıda keçirilən paracüdo üzrə Qran-Pridə Azərbaycan millisi ikinci qızıl medalını qazanıb.

Oxu.Az xəbər verir ki, Heydər Əliyev İdman Arenasında keçirilən yarışda Şahanə Hacıyeva (-48 kq) finalda Likinq Lini (Çin) ippona salıb.

Bununla da Azərbaycan millisi ikinci qızıl medalını qazanıb.

17:31

Bakıda keçirilən paracüdo üzrə Qran-Pridə Azərbaycan millisi ilk qızıl medalını qazanıb.

Oxu.Az xəbər verir ki, Heydər Əliyev İdman Arenasında keçirilən yarışda Vüqar Şirinli (-60 kq) Florin Aleksandru Boloqanı (Rumıniya) vaza-ari fəndi ilə məğlub edərək Azərbaycana ilk qızıl medalı qazandırıb.

15:33

Bakıda paracüdo üzrə Qran-Priyə start verilib.

Oxu.Az xəbər verir ki, Heydər Əliyev İdman Arenasında keçirilən yarışda bu gün kişilərdə dörd, qadınlarda üç çəki dərəcəsi üzrə mübarizə gedir. Bu gün 12 idmançımız mübarizəyə qoşulub.

Kişilər:

-60 kq

Vüqar Şirinli Brian Xerardo Aburto Beltran (Meksika), Zaur Cəbrayılov (Rusiya) və Şirzad Namazova (Özbəkistan) qalib gələrək yarımfinala çıxdı. Yarımfinalda Rəcəp Çiftçiyə (Türkiyə) qalib gələn Vüqar finalda güləşəcək. Onun rəqibi Florin Aleksandru Boloqa (Rumıniya) olacaq.

-66 kq

Namiq Abbaslı Miqel Vieyra (Portuqaliya), Utkircan Niqmatova (Özbəkistan) qalib gəlsə də, David Xoravaya (Ukrayna) uduzdu. O, təsəlliverici görüşdə əvvəl Ueyn Fipsə (Avstraliya), daha sonra Əzəmət Turumbetova (Qazaxıstan) qalib gələrək bürünc medal qazanmaq şansı əldə etdi. Onun buradakı rəqibi Georgi Qamcaşvilidir (Gürcüstan).

Bayram Mustafayev Kadir Yıldırım (Türkiyə) və Munxbat Aacimə (Monqolustan) qalib gələrək yarımfinala çıxdı. O bu mərhələdə Georgi Qamcaşviliyə (Gürcüstan) qalib gəlib finala çıxdı. Onun finaldakı rəqibi də Gürcüstandan olacaq. Bu, Georgi Kaldanidir.

-73 kq

Ramil Qasımov Takamasa Naqai (Yaponiya), Sergey Kotenko (Ukrayna) və Baçuki Şeliaya (Gürcüstan) qalib gəlsə də, yarımfinalda Feruz Sayidova (Özbəkistan) uduzdu. O, bürünc medal uğrunda Nikolay Kornhasla (Almaniya) mübarizə aparacaq.

-81 kq

Murad Həziyev Arley Damian Pereyra Arudaya (Braziliya) uduzaraq mübarizəni dayandırdı.

Hüseyn Rəhimli Jak Juber (CAR) və Natan Petiyə (Fransa) qalib gəldi. O, yarımfinalda Dmitri Soloveyi (Ukrayna) məğlub etdi. O, finalda Davurxan Kərəmətovla (Özbəkistan) qarşılaşacaq.

Qadınlar:

-48 kq

Gülnar Gereyeva Ecem Taşına (Türkiyə) uduzdu. O, təsəlliverici yarışda Sandrin Orye Martinetə (Fransa) də məğlub oldu.

Şahanə Hacıyeva Lobar Xürrəmovaya (Özbəkistan) qalib gələrək yarımfinala çıxdı. Yarımfinalda Yuliya Qalinskayaya (Ukrayna)  qalib gələn Şahanə finala çıxdı. Onun rəqibi Likinq Li (Çin) olacaq.

-52 kq

Səbinə Abdullayeva Şerin Abdellauiyə (Əlcəzair) uduzdu. O, təsəlliverici yarışda Prişila Qanyeyə (Kanada) qalib gəldi. Onun bürünc medal uğrundakı rəqibi Bəsti Səfərova olacaq.

Bəsti Səfərova Dure Rosio Ledesmaya (Argentina) qalib gələrək yarımfinala çıxdı. O, bu mərhələdə İnna Çernyaka (Ukrayna) uduzdu. O, bürünc medal uğrunda Səbinə ilə qarşılaşacaq.

-57 kq

Afaq Sultanova Nataliya Ovçinnikovaya (Rusiya) qalib gələrək yarımfinala çıxdı. Daha sonra o, Lusia Araujoya (Braziliya) qalib gələrək finala çıxdı. Onun rəqibi Sevda Vəliyeva olacaq.

Sevda Vəliyeva Marisa Arndta (ABŞ) qalib gələrək yarımfinala çıxdı. Daha sonra o, Maria Nubea dos Santos Linsə (Braziliya) qalib gələrək finalda Afaq Sultanovaya rəqib oldu.

Beləliklə, Azərbaycan idmançıları ilk gündə altı final və dörd bürünc medal uğrunda görüşə çıxacaq. Tədbirin açılış hissəsi saat 16:00-da başlayacaq. Həlledici görüşlər saat 17:00-da başlayacaq.

Səbuhi MUSAYEV

Bizimlə əlaqə saxlayın

Digər İdman xəbərləri