14 
May
2019
14:54
262
52
7038
Virtual karabakh

Namiq Əliyev: Mehriban Əliyeva Stadnikin bütün əməliyyat xərcini çəkdi - FOTO

14 May, 2019
14:54
7038

Namiq Əliyev: Mehriban Əliyeva Stadnikin bütün əməliyyat xərcini çəkdi - FOTO

Bizim WhatsApp kanalımıza buradan abunə ola bilərsiniz

Bu gün Azərbaycan Güləş Federasiyasında mükafatlandırma olub. 

Oxu.Az xəbər verir ki, federasiyanın rəhbəri Namiq Əliyev ötən ay Rumıniyanın paytaxtı Buxarestdə keçirilən Avropa çempionatından medalla qayıtmış yunan-Roma və sərbəst güləş millimizin üzvləri və məşqçilər heyətini mükafatlandırıb.

Onların hər birinə pul mükafatı təqdim olunub. Daha sonra Namiq Əliyev çıxış edib. O bildirib ki, dövlətimiz hər zaman güləşçilərin arxasındadır:

“Dövlət hər zaman güləşçilərimizin beynəlxalq arenada uğur qazanması üçün əlindən gələn dəstəyi əsirgəmir. Bildiyiniz kimi, qadın güləşində liderimiz Mariya Stadnik zədəli olduğu üçün Avropa çempionatına gedə bilmədi.

Amma dövlətimizin I vitse-prezidenti, ölkənin birinci xanımı Mehriban Əliyeva onun əməliyyatı üçün nə lazımdırsa, etdi. Onun əməliyyatının bütün xərclərini öz üzərinə götürdü. Hazırda Stadnik qaydasındadır və sentyabrda Qazaxıstanda keçiriləcək dünya çempionatında Azərbaycanı təmsil edəcək.

Ümid edirik ki, Olimpiya Oyunlarında ən azı 80 faiz idmançı ilə təmsil olunacağıq. Bunun üçün idmançılara hər cür şərait yaradılıb. Onlar vitaminlərlə, təlim-məşq toplanışları ilə təmin olunublar”.

Daha sonra yunan-Roma və sərbəst güləş üzrə məşqçilər – Şaban Donat, Saypulla Absaidov, vitse-prezidentlər – Firdovsi Umudov, Elçin Cəfərov və Namiq Abdullayev öz fikirlərini bildirib, idmançılara qarşıdakı yarışlarda uğurlar arzulayıblar.

Səbuhi MUSAYEV

Bizimlə əlaqə saxlayın

Digər İdman xəbərləri